ANHAAR

Department of Kashmiri

University of Kashmir

Print ISSN: 2249-510x Online ISSN: NA

افسانُک بنیٲدی شعریات چھُ سےُ یُس ارسطوہن از برونہہ داے ساس وری تریجڈی متعلق دژوو یعنی شعریات ۔ ۔ یہِ نظریہ چھُ معمولی ہیرٕ پھیرٕ کٔرِتھ تِمن سارنےٕ ادبی صنفن متعلق لگہار یِمن ہند تعلق انسانی کردارن تہٕ واقعہن ستی چھ۔ُ ۔ افسانہٕ کہِ حوالہٕ سپُد اتھ منٛز پتۍ ڈاین ہتن ورین منٛز مسلسل اضافہٕ تہٕ ترمیم۔مگر الگ پاٹھۍ چھُنہٕ امہِ کِس پس منظرس کانہہ نظریہ یتھ اسۍ مخصوص پاٹھۍ خالص افسانُک شعریات ونتھ ہیکو۔

کاشر افسانہٕ نگاری منٛز چھُ اوتار کرشن رہبر اکھ اہم ناو۔ اختر محی الدین سُند یہِ کالہٕ بوج اوس کاشرِ زبانۍ ہند ہرفن مولا قلم کار۔ رہبر اوس اکھ ادبی مورخ،محقق،ڈراما نگار تہٕ اکھ افسانہٕ نگار۔اختر سنز ‘‘ ست سنگر’’ افسانہٕ سومبرنہِ پتہٕ ےوسہٕ دویِم افسانہٕ سومبرن کاشرس منٛز شایع سپز سۄ آس اوتار کرشن رہبر سنز ‘‘توبرُک’’۔امہِ سومبرنہِ ہندٮ۪ن افسانن پٮ۪ٹھ سپُد گوڈنیُک تنقیدی تبصرٕ خدمت اخبارس منز چھاپ یُس دیہاتی گنگ دھر بھٹ سُند تحریر کردٕ اوس۔نون افسانن پٮ۪ٹھ مُشتمل تسٕنزِ گۄڈنچہِ افسانہٕ سومبرنہِ منٛز چھِ یا ل مُشران تہٕ کھوکھُس ‘نارٕ گٔلۍ ژاپنۍ’،تاون،‘ییٚلہِ افتابہٕ نوٚن دراو’ بیترِ افسانہٕ شٲمِل۔یِم افسانہٕ چھِ کُنوہ شتھ ارونزہس تام لیکھنہٕ آمتۍ تکیازِ امی وریہِ تسٕنٛز یہِ سومبرن شایع۔رہبر روٗد امہِ پتہٕ تہِ افسانہٕ لیکھان تہٕ از برونٛہہ کینٛہہ وری آیہِ تسٕنٛز بیاکھ افسانہٕ سومبرن ‘‘ییٚلہِ پردٕ ووتھ۔’’

کاشِر افسانن کٔرۍ گۄڈٕ پٮ۪ٹھٕ ازتام واریاہ منزل طے۔باوژ ہندِس سوٚتھرِس پٮ۪ٹھ تہِ تہٕ تھیمہٕ کِس سطحس پٮ۪ٹھ تہِ،چونکہِ افسانہٕ چھُ اکھ بیانیہ فن تہٕ امیُک خمیر چھُ یٔژ پاٹھۍ سماجس منزے ووتلان تہٕ پوٹھان۔کاشِر افسانن چھُ تِمن سارنےٕ فکری رحجانن تہٕ میلانن باوتھ کرمٕژ یِم امہِ کہِ بارسس ینہٕ پٮ۪ٹھٕ ازتما وزِ وزِ ووتلان روٗدۍ تہٕ ادبس تہٕ خصوصن افسانس متٲثر کران روٗدی۔یتھ مختصر پرچس منٛز چھِ تِمن تمام تھیمن سام ہٮ۪نہٕ آمژ یمو کاشرِس افسانس اکھ خاص رنگ تہٕ طرح بخش تہٕ ستی چھےٚ تمن ہیتی تبدیلین کُن تہِ اشارٕ کرنہٕ آمُت یِمن ہُند تقاضہٕ نٔو آگہی تہٕ نٔوۍ تھیم کران چھِ ۔

کاشرِس افسانس متعلق چھےٚ ساروٕی کھوتھٕ بڈ خوش فہمی یہِ زِ أمۍ کٔرۍ دویمٮ۪ن شعری یا نثری صنفن مقابلہٕ سٮ۪ٹھاہ کم وقتس منٛز بیان،فن،تکنیک تہٕ موضوعی حوالہٕ تِم سٲری تجربہٕ یِم باقی علمی یا عالمی زبانن ستۍ وابستہٕ افسانہٕ نگارو سٮ۪ٹھاہ زیٹھِس دورس منٛز طے کرۍ۔دراصل چھُ افسانہٕ نگاری ہند فن دویمٮ۪ن سارنےٕ ادبی صنفن مقابلہٕ انسٲنی زندگی ستۍ ساروٕے کھۄتہٕ قریبی واٹھ تھاوان۔

۱۹۵٠ پٮ۪ٹھٕ ۲٠۲۲ تام لگ بگ دُستتھن ورین ہندِ کٲشرِ افسانُک سفر یوٚدوَے کاشرِ شٲعری مقابلہٕ سٮ۪ٹھہٲے مختصر چھُ ،مگر معیارٕ حسابہٕ چھُ یہِ باقےٕ زبانن لرِ لوٚر کھڑا۔اتھ دوران روٗد یہِ مختلف سیٲسی،سماجی تہٕ اقتصٲدی دورَو منزۍ گُذران۔وقتس ستۍ ستی روٗدی موضوع،ہیت،ٹکنیک تہٕ اوسلوٗب بدلان تہٕ افسانٕچ رنگارنگی روٗز بدلان تہٕ کاڈ کڈان۔پرٲنۍ افسانہٕ نگار روٗدۍ ژھۄکان تہٕ ڈۄکان تہٕ نٔوۍ نٔوۍ روٗدۍ امکِس کاروانس منٛز شٲمٕ،ل سپدان۔ شروع ہس منز روٗد اتھ پٮ۪ٹھ ترقی پسندی ہُند سوٚن تہٕ گوٚن اثر۔

یہِ کتھ چھےٚ مسلمہٕ زِ ییلہِ ادب مطالعُک موضوع بنہِ تمیُک جایزٕ چھُ تیٚلہِ وقتی پیمانہٕ پھٹراوِتھ فنی کہوچہِ پٮ۪ٹھ پرکھاونُک تقاضہٕ کران نہ زِ ذوق تسکینہ کہِ وسیلہٕ رنگۍ۔امیُک متن چھُ مختلف خانہٕ بند تقسیمی حدود بجایہِ فنی وحدژ ہندِ میزانے تولُن پٮ۪وان۔ بیٚیہِ تہِ ییٚلہِ أکسی زمانس منٛز یہ فن ابساوُن وٲلۍ مختلف قلمکار وتھمٕتۍ آسن۔کاشرِس افسانس گۄڈ برن والہِ کاروانکٮ۪ن گۄڈنکٮ۪ن لکھارٮ۪ن ہُند زمانہٕ چھُ الہٕ پلہٕ اکُے تہٕ زِٹھ کٲنس چھٮ۪کھ وری پونشہٕ پٮ۪ٹھٕ دہن تام مگر فنی ورتاو چھُ مختلف تہٕ امہِ اعتبارٕ چھےٚ نہٕ مےٚ نشہِ یتھ کتھِ خاص اہمیت گۄڈٕ کمۍ پوٚر تہٕ گوڈٕ کمۍ چھوپ افسانہٕ۔

کاشرِ افسانہٕ کِس دُستتھن ورین ہندِس تٲریخس منٛز چھُ کم و بیش پنژہن ورین ڈاڈ کرتھ یہِ فن ورتاون وول اختر محی الدین جہژل تہٕ بسیار حسابہٕ بے بدل۔۱۹۵٠ یس منٛز کٲشرِس منٛز افسانچہِ اتھ نثری صنفہٕ دس وۄتھنہ پتہٕ ژورِ یا پانژِ وُہرۍ آو آختر محی یُس گوڈے ارود پٲٹھۍ افسانہٕ لیکھان اوس تہٕ یس اردو حلقن منٛز شہرت تہٕ پذیرٲیی حٲصل آس۔تُرستتھ ؤری وٲنس پراون وٲلی اختر محی الدینن لیکھۍ پنژاہن ورین دوران لگ بگ شیٹھ پیٚٹھۍ افسانہٕ،وریس اوسطن اکھا،امہِ ستی سپدِ اندازِ زِ سہُ کوتاہ اوس سنجیدگی تہٕ محنتہٕ سان یہٕ فن ورتاوان۔ اختر چھُ حقیقی دُنیا نشہِ مواد حٲصل کٔرِتھ نوۍ تہٕ پُر کشش واقعات تہٕ کردار تخلیق کران۔ أہندٮ۪ن افسانن ہندۍ اکثر واقعات تہٕ کردار چھِ پرن وٲلِس پننہِ اہمیژ،سِر ساورُک تہٕ انفرٲدیتُک احساس دِتھ ہٮ۪کان۔

تخلیق کار بامے سہُ ڈرامہٕ نگار آسہِ یا ناول نگار یا افسانہٕ نگار،چھُ پننہِ دورُک مورخ آسان۔اکھ جینون تخلیق کار چھُنہٕ ہرگز تہٕ سماجس منٛز سپدان والیو حالاتو،واقاتو تہٕ ماملاتو نِش أچھ وٹان۔سہُ چھُ پننہِ تخلیقی کۄرب ستۍ سماجس ایکسرے کران۔اوے چھُ اکس کامیاب تخلیق کار سٕنٛز تخلیق ٲنہٕ آسان یتھ منٛز یہِ فن پار پرن وول پنُن بُتھ وُچھان چھُ ۔ تجربس یا مشٲہدس چھُ فنِ افسان نگٲری منٛز اکھ اہم روول۔

جدید کاشرِس افسانس منٛز آو انسان ذاتُک تہٕ شناختُک بحران،رشتن ہُند ژھٮ۪ن،سماجی اقدارن ہُند راون،عقیدتی بے پژھی،کُنٮ۪ر،خوف،وجودُک شک،جنسُک ننٮ۪ر بیترِ ہوٮ۪ن موضوعن پٮ۪ٹھ قلم آزماونہٕ۔تکیازِ ساینسی ایجادو تہٕ صنعتی انقلابن یوٚدوَے زندگی واریہو سہولیتو ستی نوٲز اما پوٚز نوِ زانہِ ستی باسیوو انسانس زِ سہُ چھُ بے علمی ہندِس سیٚکہِ مٲدانس منٛز روومُت۔ییٚتہِ بے معنویت ہند واو اگادِ چھُ سپدمُت تتہِ چھُ پرانٮ۪ن تصوراتن تہٕ روایتن ہنزٕ مندورِ وستھِ آمژ تہٕ زندگی نٮ۪سبت آیہِ واریاہ کھرۍ لد مسلہٕ وجودس یِمن منٛز انسان پٲٹۍ کیٚم سندۍ پٲٹھۍ اسیر سپُد۔

وونۍ کہنزوٗ چھےٚ وٲرۍ؟ چھُ شنکر رینہ سندٮ۪ن نمایندٕ افسانن منٛز اکھ ۔امہِ افسانہٕ کِس ساختس منٛز موجود اسلوٗبیاتی عنصرن معروضی،تجزیٲتی تہٕ توضیحی بنیازن پٮ۪ٹھ تجزیہ کرُن چھُ ییٚمہِ مقالُک بنیٲدی مدعا، امہِ مطالعہٕ ستی ہٮ۪کو أسی عملی طور افسانس منٛز گُپتھ لسٲنی خٲصیژن،جذبل کٕفیژن،بیانوی تاثرس تہٕ اسلوٗبی وصفن سہل پٲٹھۍ ا۔نزۍ منٛز گٔژھِتھ ۔

۱۹۶٠ عیسوی پتہٕ یا ونو ترقی پسندی ہُند اثر ختم سپدِتھ آے کٲشرِ زبٲن منٛز کینٛہہ نٔوۍ افسانہٕ نگار بارسس یِمن منٛز بنسی نردوش تہِ اکھ اوس۔اصلی ناو اوسُس بنسی لال ولی تہٕ ادبی دُنیاہس منٛز گوٚو بنسی نردوش ناوٕ مشہور۔نردوش اوس گوڈٕ گوڈٕ اردو زبٲنۍ منٛز لٮ۪کھان۔امی کٔر امرتسرس منٛز ‘‘نیا زمان’’ ناوٕ أکِس اردو اخبارس منٛز بحثیت سب اٮ۪ڈِٹر کٲم

امین کامل چھُ کاشرِ ادبُک ممتاز تہٕ معتبر شٲعر،افسانہٕ نگار،ناول نگار،محقق تہٕ ترجمہٕ کار۔ تس چھُ کاشرِ شٲعری ہندِس نبہٕ دندِس پٮ۪ٹھ پرزلونس تارک سند ہیوٗ مقام۔وہمہِ صدی ہندِس گوڈٕ کٲلۍ دورس منٛز اوس نہٕ تخلیقی نثری سرمایہِ شٲعری مقابلہٕ زیادٕ بدس۔یہِ ژھوکے پوٗرٕ کرنہٕ باپت لیچھۍ أمۍ کاشرِ زبانہِ ہند ژُکۍ درن ‘‘گٹہِ منٛز گاش’’ ناول تہٕ ‘‘ کتھِ منٛزکتھ’’ افسانہٕ سوٚمبرن۔امہِ سوٚمبرنہِ منٛز بدس افسانو علاوٕ تہِ آیہِ امۍ سندۍ کینٛہہ افسانہٕ بازر۔‘‘کتھِ منٛز کتھ’’ عنوانس چھِ پٲنۍ پانے وضاحتی زِ سومبرنہِ منٛز شٲمل افسانن منٛز آسہِ حٲران کروُن تجسُس بدس یہِ زن کاملنٮ۪ن افسانن منٛز یسلہٕ پٲٹھۍ نمایان چھُ ۔

ہری کرشن کول چھُ کٲشرِ زبانہِ ہندٮ۪ن تِمن نمایندٕ افسانہٕ نگارن منٛز شٲمل یِمن کٲشُر افسانہٕ جدیدیت چہِ وتہِ ہُند راہ رو بنوو۔یمو ہیوٚت کٲشرِس منٛز کُنوہ شتھ شِہٲٹھ پتہٕ پتہٕ لیکھُن۔کُنوہ شتھ دُستتھس منٛز آیہِ أہنٛز گوڈنچ افسانہٕ سوٚمبرن ‘‘ پتہٕ لاران پربتھ’’۔امہِ پتہٕ آیہِ أہنٛز ‘‘یتھ رازدانے’’،‘‘حالس چھُ روتُل’’ تہٕ اونگج’’ سوٚمبرن تہِ برونٛہہ کُن۔کاشرِس منٛز ی،مو پننہِ افسانہٕ نگٲری ہُند دسلاب ‘‘تاپھ’’ افسانہٕ ستۍ کوٚرمُت۔یہِ افسانہٕ چھُ تسٕنٛزِ ‘‘ پتہٕ لاران پربت’’ ناوچہِ افسانہٕ سوٚمبرنہِ منٛز گوڈنیُکے افسانہٕ۔ اتھ متعلق چھُ وننہٕ یوان زِ کلچرل اکیڈمی اوس کٲشر افسانُک شیرزإ نمبر کڈُن۔امکۍ مدیر ٲسۍ مرحوم امین کٲمل۔اکہِ دوہ ٲسۍ یِم لال چوکہٕ منزۍ پکان۔اتہِ سمکھ یِمن ہری کرشن کول۔یِمن وون أمِس زِ کٲشرِ شیرازٕ باپتھ لیکھ اکھ کٲشُر افسانہٕ۔کول صٲبن ہیٚوت مٹہِ تہٕ کینژِ دوہۍ واتہِ توہہِ نش میون افسانہٕ۔یتھٕ پٲٹھۍ گوو ہری کرشن کول کینژِ دوہیامین کٲملس نشہِ پنُن ‘‘تاپھ’’ افسانہٕ ہٮ۪تھ تہٕ بنیاو اوہند گوڈنیُک کٲشُر افسانہٕ۔ یہِ بنیاو ادبی حلقن منٛز توجہ طلب۔پتہٕ روٗد یہِ سلسلہٕ جٲری تہٕ لیکھکھ اکہِ کھوتہٕ لاجواب افسانہٕ۔

یہِ کتھ چھِ واضح زِ جدید طرزو فکر آو گوڈٕ مغربس منٛز بارسس۔یتھ پس پردٕ انسان سنز بے شمار ترقی چھےٚ،یہِ چھِ سو ترقی یوسہٕ وہمہِ صدی ہند انسانن ساینس،فلسفہٕ،فکر تہٕ باقی علوٗمن منز پرٲو۔یودو۔ے أمی ترقی انسانس بے تحاشا سوکھ واتناو مگر فکری سطحس پٮ۪ٹھ نیون انسانس سوکھ تہِ تہٕ راحت تہِ۔ وون گوو یہِ جدید طرزِ فکر روٗزنہٕ پتہٕ مگربس تامےٕ محدود بلکہ لٔج أمچ ژھتھ دنیاہچن مختلف زبانن ہندس ادبس۔یوہے اوس سہُ وق ییٚلہِ ترقی پسند تحریکہِ ہند اثر ہیٚوتُن وارٕ وارٕ ہمُن۔امہِ سبہٕ ہےٚوت کاشرٮ۪و ادیبو تہِ زندگی متعلق نوِ اندازٕ سوچُن سرُن۔ییٚمہِ ستی ادبی تراین تہٕ خاص پٲٹھۍ کٲشرِس افسانس منٛز موضوعی سطحس پٮ۪ٹھ تہِ تہٕ ٹکنیکی سطحس پٮ۪ٹھ تہِ تبدیلی آیہِ۔

کٲشِر افسانن کرِ آدن کالہٕ پٮ۪ٹھے مختلف تجربن ہندٮ۪و منٛزلو منزی گُزرِتھ پننہِ ارتقا باپتھ وتہٕ ہموار۔اتھ ارتقٲیی سفرس دوران ییٚتہِ اکہِ طرفہٕ کٲشرِس افسانس منٛز موضوعی تبدیلی آیہِ تتہِ آیہِ افسانہٕ چہِ تعمیر کٲری ہندٮ۪ن باقی عنصرن یا ونو امہِ کِس ٹٮ۪کنیکس منٛز تبدیلی۔یہِ تغیر چھُ خاصکر ۱۹۲٠ کٮ۪ن کٲشرٮ۪ن افسانن منٛز نظرِ گژھان ییٚلہِ اتھ پٮ۪ٹھ جدیدیت چہٕ عالمگیر تحریکہِ ہُند اثر پیّوو۔امہِ دورٕ کٮ۪و اکثر افسانہٕ نگارو لیکھۍ تتھۍ افسانہٕ یِم پتمٮ۪و افسانو نشہِ افسانوی شعر یاتہٕ لحاظہٕ ہر رنگہٕ مختلف ٲسۍ منٛز فاروق مسعودی سُند ‘‘سماہ’’ افسانہٕ اکھ نمایندٕ افسانہٕ چھُ یُس عصری انسانہٕ سٕندِ وجودکہِ بے معنویتُک تہٕ عدم شناختُک عکاس چھُ ۔

مٮ۪قدارٕ لحاظہٕ یوٚدوَے کٲشرس افسانہٕ سرمایس منٛز تجریدی افسانہٕ واریاہ کم چھُ مگر معیارٕ لحاظہٕ چھُ سہُ سٮ۪ٹھاہ اعلا۔تجریدی افسانہٕ چھُنہٕ پرتھ کٲنسہِ ہندِ باپتھ یہِ چھُ لِکھٲرۍ سندِس ذہنہِ کِس تتھ تہہ خانس منٛز گُپتھ آسان یتھ لاشعور ونان چھِ تہٕ اتھ ہیٚکہِ لِکھٲری سندے ہم مزاج ژینتھ تہٕ سمجتھ یا چھُ قٲری پننہِ سوچہِ مطٲبق امیُک معنے تہٕ مفہوم اخذ کران تہٕ یہِ معنے ہٮ۪کہِ پرتھ دویمہِ سندِس مفہومس نش بیون تہٕ متضاد ٲسِتھ ۔یۄسہٕ کتھ لِکھٲرۍ باونۍ یژھان چھُ سۄ چھنہٕ تتھۍ منعیس تہٕ تمنےٕ ژینن طرزن سان پرن وٲلِس تام واتان۔علمی تہٕ فکری سطحس پٮ۪ٹھ اضطراب نہ آسُن چھُ تجریدس کُن رٲغب کران۔ وونۍ ہرگاہ ٲسۍ کٲشرِ افسانٕچ کتھ کرو اتھ منٛز ورتٲو یہِ تکنیک باضٲبطہٕ پٲٹھۍ ہردے کول بھارتین۔بھارتی سُند افسانہٕ سرمایہِ مدِ نظر تھٲوِتھ چھےٚ یہِ کتھ واضح سپدان زِ سہُ چھُ آدن کالہٕ پٮ۪ٹھے علامتی تہٕ تجریدی اظہار پاننٲوِتھ افسانس منٛز معنین ہُند گُتجار ووپداوان۔تسندِٮ۪ن اکثر افسانن ہندی کردار چھِنہٕ سماجس منٛز موجود کٲنسہِ فردٕ سنُد رول بدِ کڈان بلکہِ تسنِدس انفرٲدی وجودس وُرن تُلِتھ قٲریس تہِ تتھ وٲقف کران یہِ ظاٲہری عملہِ ہندِس نقابس پتھ گُپتھ چھُ آسان۔سہُ چھُ کردار سندٮ۪ن جذبن،احساسن،ذہنی میلاناتن تہٕ تسندِس لاشعورس منٛز گُپتھ افکارن تہٕ خیالن فاش کران

شمشان وٲراگ افسانس منٛز بے معنویتٕکۍ عنصر،تحقیقی مضموٗن چھُ جدید زندگی ہٕنٛز لامعنیت،جدید دورچہِ تمدنی ترایہِ تہٕ خاصکر عقلیت پسندی نظر انداز کٔرِتھ امیُک نحون کار فکری رُحجان برونہہ کُن انان۔یتھ تحقیقی مضمونس منٛز ییہِ بے معنوی لب و لہجس ستۍ ستۍ افسانس حوالہٕ بیٚہ پژھ کردارن ہندس غٲریقینی صورتحالس پٮ۪ٹھ تہِ بحث کرنہٕ۔افسانس منٛز موجود بنےٲدی کردار چھِ مذہبس،سماجس تہٕ خاصکر زندگی نٮ۪سبت غٲر ضروٗری مناسبت تھاوان۔ افسانٕچ بےٚ ترتیب تہٕ طنزی زبان چھےٚ اکہِ پاسہٕ کردارن حوالہٕ وجودی ذاتُک کُنٮ۪ر ہاوان تہٕ بیٚیہِ پاسہٕ غٲر مبہم فلسفہٕ وٮ۪ژھناوان یہِ زن بے معنویتُک اکھ اہم عنصر چھُ ۔ افسانس منٛز چھ ِ ہیت،مٲہیت،زبٲنۍ ہند ورتاو فرسودٕ لفظن،ابہامن تہٕ خیالن زنم دوان۔ افسانس حوالہٕ ین کردارن،زبٲن تہٕ مختلف عنصرن ہندی دسۍ بے معنوی وجودچہِ آگہی متعلق بحث کرنہٕ۔

پلاٹ چھُ افسانُک کرنز یتھ رتھ تہٕ ماز بٔرِتھ مکمل افسانہٕ بنان چھُ۔ افسانس منٛز چھےٚ پلاٹس سۄے اہمیت یوسہٕ انسٲنی جسمس اندر أڈجہِ ڈانچس چھےٚ۔ یتھ وُچھن وٲلۍ درینٹھۍ نہ یتھ تہِ نظر انداز کٔرتھ ہیٚکن نہٕ۔ پلاٹ گوٚو واقعاتن ہنٛز سو کرٲنۍ ہانکل یتھ کردار تہٕ تہنٛز عمل واٹھ دوان چھِ ۔ افسانس منزیژھ پلاٹس اہمیت چھےٚ،پلاٹس منٛز چھےٚ سۄے حرکی واقعہس۔پلاٹٕچ یہِ حرکت چھےٚ پانژو مرحلو منٛز گذرِتھ اند لبان۔یمہٕ پانژھ مرحلہٕ چھِ گوڈ،کشمکش،نقطۂ عروج،ہمُن تہٕ اند۔ نقطۂ عروجس چھےٚ اتھ منٛز مرکزی اہمیت حٲصل۔یہِ چھُ سہُ مقام ییٚلہِ واقعات پننِس انتہامس پٮ۪ٹھ وٲتتھ پرن وٲلِس محو کران چھِ۔جدید دورس منٛز بدلیو پلاٹُک روایتی تصور تہٕ اتھ نظریہس تحت آیہِ کٔہیا پلاٹ افسانہٕ لٮ۪کھنہٕ مگر یِم افسانہٕ ہیٚکۍ نہٕ عام قٲریس پننِس گرفتس منٛز أنتھ ۔وونۍ چھُ عام پٲٹھۍ افسانہٕ خٲطرٕ افسانویتھ لازمی قرار دنہٕ آمٕژ،افسانویتھ چھےٚواقعاتوذریعہ پٲدٕ سپدان تہٕ واقعاتن منٛز چھُ ظاہر پٲٹھۍ نے صحیح مگر دٲخلی سطحس پٮ۪ٹھ ضرور منطقی واٹھ آسان۔

علامتی افسانن منٛز چھُ کانٛہہ واقعہ،تجربہٕ،قصہٕ یا بیان مختلف علامژو دٔسۍ منظرس یوان اننہٕ۔افسانن منٛز علامت نگٲری ہندِس استعمالس چھُ مقصد آسان،کثیر دلٲیل تہٕ کتھن وضاحت کرنہٕ بجایہِ علامت استعمال کٔرِتھ نہ صرف معنی بسیار پاسل بناونہٕ بلکہِ اتھ منٛز سرنٮ۪ر تہِ پٲدٕ کرنہٕ۔جدید افسانہٕ کٮ۪ن رحجاناتن منٛز چھےٚ علامتی پیرایہِ کِس اظہارس سٮ۪ٹھاہ اہمیت حٲصِل یہِ کتھ چھےٚ قٲبلِ قبول یتھٮ۪ن افسانن منٛز چھِ افسانہٕ نگار اکثر واقعہ تہٕ موضوعات ژٲرِتھ أمکٮ۪ن مخفی گوشن سرِتھ سنِتھ گاشراوان تہٕ زبان دِتھ افسانن منٛز پیش کران۔ کٲشُر افسانہٕ تہٕ اتھ ستۍ وابستہٕ فنکار روٗدی عالمی افسانن تہٕ ادبس ستی لرِ لوٚر پکِتھ امکِس شعریاتس گوٚڈ بران تہٕ پنُن فن تہٕ مزاج پرکھاوان نیو نوین ہیتی،موضوعی تہٕ تکنیکی میزانو ستی

فاروق مسعودی چھُ موجودٕ دورُک اکھ نمایندٕ افسانہٕ نگار۔‘‘سماہ’’ چھُ یہنٛد اکھ شاہکار غیر رٮ۪وایتی افسانہٕ۔ یہِ افسانہٕ چھُ چھُ کشیرِ ہندِ ثقافتی،تمدنی تہٕ ادبی سرمایہِ کہِ پاپر جاہ آسنُک ضٲمن۔یہِ افسانہٕ چھُ دون پہلوون پٮ۪ٹھ محیط۔یعنی ریوایتی تہٕ جدید پہلو۔ریواتی پہلو چھُ کٔشیرِ ہندِلاثٲنی میراثُک ثبوت تہٕ جدید پہلو چھُ یہِ میراث راونُک راون تیول۔یہِ افسانہٕ چھُ جدید انسان سندِ قدرن ہنٛز پامٲلی کٔرِتھ نفسیٲتی کشمکشس منٛز گیرگژھنُک درد انگیز پہلو برونٛہہ کُن أنِتھ تس سٕنٛز بیقرٲری،بے چینی تہٕ آوارگی منٛز ہٮ۪نہٕ ینُک شاہکار نمونہٕ۔

زبان چھےٚ باوژ ہُند اکھ بہترین تہٕ کامیاب وسیلہٕ۔شاعری ٲستن یا نثر کُنہِ تہِ ہیژ منٛز کانٛہہ خیال یا تجربہٕ باونہٕ باپتھ چھُ زبٲن ہُند رول سٮ۪ٹھاہ اہم۔خیال ٲستن کوتاہ اعلا تہٕ عظیم ہرگاہ نہٕ تتھ منٲسب باوتھ میلہِ تیٚلہِ چھُ سہُ خیال اڈلیٚوک۔افسانہٕ چھ ادبچ اکھ سۄ صنف یوسہٕ حقیقت پسندی زیادٕ نکھٕ درینٹھ چھِ گژھان۔اکہِ پاسہٕ افسانُک حقیقت پسند آسنُک فسانہٕ تہٕ بیٚیہِ پاسہٕ چھُ اختصار امیُک گہنہٕ تصور کرنس ستی ستی وحدت تاثُر برقرار تھاوُن تہِ امیُک اہم جُز۔ حقیقت پسندی،اختصار تہٕ تاثُر برقرار تھاوُن چھُ زبٲنۍ تہٕ باوژ حوالہٕ زیادَے فنکارانہٕ صلاحیژں ہنٛز منگ کران۔ امین کامل چھُ کٲشرِ ادبکٮ۪ن تھدِ پایہِ کٮ۪ن ادیبن منٛز شٲمِل۔امی لیٚکھ کہیا افسانہٕ یِم سٮ۪ٹھاہ مقبول سپدی یِمن منٛز کوکر جنگ،پھاٹکھ،کفن ژوٗر بیترِ قابل ذکر چھِ۔یِم افسانہٕ چھِ کاشرِ زبٲنۍ ہندِس ادبس منٛز افسانن ہندِس صف، اولس پٮ۪ٹھ درج۔یِمن افسانن ہٕنٛز کامیابی ہند راز چھُ خیالن تہٕ تجربن ستی ستی زبٲن ہندِس تتھ نٮ۪رل ورتاوس منٛز گپتھ یُس کٲمل صٲبن یِمن افسانن منٛز کامہِ چھُ لوگمُت۔

افسانس منٛز کانٛہہ تہِ واقعہٕ بیان کرنس منٛز چھُ کردار تمیُک لٲزم جُز۔کردار چھُ سہُ جُز ییٚمہِ سٕنٛزِ عملہِ ستی واقعہٕ برونٛہہ پکان تہٕ مکمل سپدان چھُ ۔افسانس منٛز گژھن کردار تتھۍ آسٕنۍ یِم زندٕ کردارن ہُند باس دِن تہٕ یِم پرن وٲلِۍ سٕنٛز دلچسپی ہُند مرکز بنتھ روزن۔ کردارَؤسۍ پایہ آسہِ یا تھدِ پایہِ پرن وٲلۍ سُند ذہن گژھِ یہِ گوڈٕ پٮ۪ٹھٕ اندس تام آورُن۔کردار ییٚمہِ تہِ طبقُ،ماحولُک یا نفسیاتُک ہاونہٕ آسہِ آمُت تمۍ سٕنٛز زبان،کھٮ۪ن چٮ۪ن،وتھُن بِہن،پلو پوشاک غرض پرتھ کانٛہہ چیز گژھِ تٔمۍ سٕندِ مطٲبق آسُن۔ہری کرشن کول چھُ کٲشرِ زبٲن ہُند اکھ ممتاز افسانہٕ نگار أمۍ سندٮ۪ن افسانن منٛز چھِ موضوعی تہٕ تجربٲتی رنگا رنگی نظرِ گژھان۔یِمن چھُ زندگی ہندٮ۪ن مختلف پہلون تہٕ رنگن ہند سوٚن تہٕ گوٚن تجربہٕ تہٕ تِم چھِ مختلف نوعیتن ہندٮ۪ن کردارن ہندِس نفسیاتس سٮ۪ٹھاہ أنز مٔنٛزۍ۔

‘‘حقیقت پسندی’’ اصطلاح چھےٚ انگریزی ‘‘Realism’’ اصطلاحچ کاشُر متبٲدِل تہٕ امیُک استعمال چھُ زےاد تر تِمن تخلیقن پٮ۪ٹھ کرنہٕ یوان یِم انگریزی ادبس منٛز کُنوہمہِ صدی ہندٮ۪ن آخری دہلیٮ۪ن منٛز بارسس آیہِ۔حقیقت پسندی سپز تحریری طور کُنوہمہِ صدی ہندس درمیٲنی حصس منٛز فرانسس اندر شروع تہٕ وُچھان وُچھان پھہیوو امہِ تحریکہِ ہند زال روسس تہٕ یورپس تام ‘‘حقیقت پسندی’’ ہُند ابتدا گوٚو فرانسس منٛز مگر امیُک آغاز کمۍ کوٚر اتھ بارس منٛز چھےٚ نہٕ محققن ہٕنٛز راے رلان۔بحر حال آو کاشرِس منٛز افسانہٕ نگارن ہُنٛد اکھ نوٚو کاروان بارسس۔افسانہٕ نگارن ہٕنٛدِس اتھ نوس کاروانس منٛز ٲسۍ اختر محی الدین،علی محمد لون،صوفی غلام محمد،امین کٲمِل ،بنسی نردوش،اوتار کرشن رہبر تہٕ رتن لال شانت بیترِ شٲمِل،یِمو کوٚر کٲشُر افسانہٕ کُنہِ حدس تام تِمو فنی کوتٲہیو نش آزاد یِم ابتدٲیی افسانن منٛز رونما آسہِ۔

کٲشرِس منٛز چھُ افسانہٕ صنف باقی سنفن مقابلہٕ مقبول تہٕ ادبی حلقن منٛز پزیرایی پرٲوِتھ زیادٕ زیرِ بحث۔علامت نگٲری ہندِس رحجانس تحت کٔر کٲشرِ افسانو فنی تہٕ معنوی اعتبارٕ شہرت حٲصل۔تکیازِ اتھ صنفہِ آیہِ تمہٕ تخلیقار باگہِ یِمو اتھ فنی اعتبارٕ اوبٮ۪ر گوبٮ۪ر کوٚر۔یتھ منٛز کاشرٮ۪ن افسانہٕ نگارن ہند علامتی رحجان دوہہ کھوتہٕ دوہہ پھانپھلان روٗد ییٚمہِ ستی یہِ صنف قابلِ اعتبار تہٕ مستحکم بنے یہِ۔ امہِ ترایہِ ہندٮ۪ن افسانن ہند دیُت چھُ کاشرِس افسانس باقی زبانٮ۪ن ہندِس افسانوی ادبس لرِ لوٚر پکنٲوِتھ کامیٲبی ہنٛز زمانتھ دِوان۔ علامتی رُحجانٕک افسانہٕ تخلیق کرنس منٛز چھُ سانی کاشر افسانہٕ نگار باقاعدٕ امکٮ۪ن اصولن ہُند پاس رٔچھتھ امچ ٹٮ۪کنیک تہٕ افسانویت تہٕ رُحجان برقرار تھاونس منٛز اتھ روٹ کوٚرمُت۔

نفسیات چھُ انسان سنز ذہنی،ضذبٲتی تہٕ روٗحٲنی حالژ ہُند ٲنہٕ۔یتھ مقالس منٛز ییہِ امین کامل سندٮ۪ن کینژن منتخب افسانن منٛز پیش کرنہٕ آمتٮ۪ن کردارن ہندِ شعوٗری ادراکُک سام ہٮ۪نہٕ۔ستی ییہِ مختلف نفسیٲتی کیفیژں تہٕ حالتن ہندِ حوالہٕ دِتھ یہِ وُچھنٕچ کوٗشش کرنہٕ زِ یِم کردار کتھٕ پٲٹھۍ چھِ نفسیٲتی سطحس پٮ۪ٹھ پنن پان پیش کران۔

ژس افسانس منٛز چھُ اختر محی الدین پوٗتس علامت بناوِتھ انسان سنٛدِ وجوٗدُک تہِ تہٕ نفسیٲتی صورتحالک مکمل جہت برونٛہہ کُن انان۔پوٗتۍ سٕنٛز زندگی نٮ۪سبت کشمکش چھےٚ کلہم انسٲنیتُک جدو جہد بنان۔یتھ تحقیقی مقالس منٛز ییہِ امہِ افسانہٕ حوالہٕ اتھ منٛز ورتاونہٕ آمٕژ فکر،فن تہٕ امچہِ لسٲنی خصوصیژن پٮ۪ٹھ بحث کرنہٕ۔اتھ ستۍ ستۍ ییہِ یتۍ مقالس منٛز یہِ کتھ تہِ وٮ۪ژھناونہٕ زِ آیا افسانہٕ نگارن کتھۍ پٲٹھۍچھُ فن پارٕ تخلیق کرنہٕ وزِ موزوٗن لفظ،دپتۍ،لفظ،تکرار،علامت،استعار،تجنیس،سوالیہ جملہٕ تہٕ باقی زبٲنۍ ہندٮ۪ن تخلیقی جوہرن کام ہیژمٕژ۔

کُنہِ تہِ زبانہِ منٛز چھُ ادبی تحریر ‘‘حسین’’،‘‘بیش قیمت’’ تہٕ معنے خیز بناونہٕ خٲطرٕ اجتمٲیی طورس پٮ۪ٹھ ےُس لِسٲنی،موضوعی تہٕ فنی اصول کہِ طریقہٕ تہٕ رویہِ برویہِ کار اننہٕ چھُ ےوان۔یمو ستی قٲری یا سامین مسرت تہٕ بصیرت حٲصِل چھُ کران تمچہِ مجموعی صوٗرژ تہٕ کیفیٔژ چھُ اسہِ تمہِ زبانہِ ہندِ ادبُک جمالیات ونان۔کُنہِ تہِ زبانہِ ہند ادب چھُ پننہِ زمانکہِ معاشرٲتی تہ ٕ ثقافتی حالاتو ستی متٲثر آسان۔ یوہے وجہ چھُ زِ پرتھ نوِس دورس منٛز ادبکہِ جمالیاتُک کُنہِ نتہٕ کُنہِ حدس تام نورنگ ضروٗر نمایاں آسان۔یہِ نوِ رنگ درآسل ادبُ تہٕ امککٮ۪ن فنی تہٕ جمالیاتی سفرُک نو قدم آسان،جدیدیتس ستی کرۍ کٲشِر افسانہٕ نگارو تہِ یہِ اثر قبول تہٕ أکِس نوِس جمالیاتس ستی آیہِ برونٛہہ کُن۔

ییٚمہِ وزِ کٲشرِس منٛز افسانہٕ تھنہٕ پیٚوو باقی زبانن منٛز اوس افسانہٕ مختلف رحجانن تہٕ تحریکن ہندس اثرس تل لیکھنہٕ آمُت۔یمو تحریکو منٛز چھِ حقیقت پسندی اکھ خاص تحریک۔کٲشرِس افسانس منٛز حقیقت پسندی وُچھنہٕ برونٛہہ وُچھو أسۍ گۄڈٕ حقیقت پسندی کیا گٔیہِ تہٕ امیِ تحریکہِ ہند آغاز کتہِ گوٚو تہٕ امِک بُنیٲدی اصول کیاہ أسۍ یا کیاہ چھِ ۔حقیقت پسندی بحثیت اکھ تحریک چھُ امیُک زمانہٕ ۱۸۴۸ پٮ۪ٹھٕ ۱۹۱۴ تام وننہٕ یوان،کُنوہمہ صدی چھِ یورپکس تٲریخس منٛز سٮ۪ٹھہے اہمیت۔یہِ صدی ٲس ساینسی،صنعتی ترقی تہٕ ادبی ترقی ہندِ حوالہٕ پنٕںۍ پر تےزی سان پھہلاوان۔حقیقت پسندی آیہِ رومٲنی نظریہکس ردِ عملس منٛز بارسس اتھ منٛز ژور زور خٲرجیتس پٮ۪ٹھ دِنہٕ یوان۔تِم حالات و واقعات یمو ستی انسان سٕنٛز زندگی متٲثر ٲس گژھان تمن ہند آو سیٚدِ سیٚود اظہار کرنہٕ افسانس منٛز۔

اوتار کرشن رہبر چھُ کٲشرِ زبٲنۍ ہُند اکھ بسیار پاسل لکھٲر۔یُس تحقیقی ادبس ستی تخلیقی ادب تہِ تھُران اوس تہٕ امی چھِ پننٮ۪ن تخلیقی کٲوشن ہٕنٛزٕ زٕ افسانہٕ سوٚمبرنہٕ تہِ شایع کرمژ۔زیرِ عنوان مضمونس منٛز یِن رہبرنہِ افسانہٕ نگٲری ہندۍ مختلف گوشہِ گاشراونہٕ یتھ منٛز أمۍ سٕنٛز کردار نگٲری،زبٲن ہُند ورتاو خاصکر أمۍ سٕنٛدِ افسانُک اہم پہلو تہٕ موضوع بیترِ شٲمِل چھِ ۔تکیاز رہبرٕنۍ اکثر افسانہٕ چھِ اکہِ خاص پسِ منظرٕک پیداوار۔امہِ سُند افسانہٕ چھُ زیادٕ پہم تمہِ صوٗرتحالُک نمایندگی کران یُس أکِس طبقس درپیش آو تہٕ رہبر چھُ یۄہے معروضی حقیقت سادٕ بیانیہ ہس منٛز بیان کران۔ییٚلہِ أمۍ سُند افسانہٕ بغور پران چھِ تہٕ اتہِ چھُ سہُ استحصال باالجبر دور دور تام درینٹھۍ گژھان یُس کٲشرِس پنڈت طبقس در پیش اوس یا ثھس،یِم مہاجر بٔنِتھ ملکہِ کٮ۪ن دویمٮ۪ن جاین چھکرنہٕ آےتہٕ یُس مسلہٕ تہٕ ماحول تمن تتہِ درپیش آو تمِچ راس تہٕ عکس بندی تہِ چھُ رہبر کینژن افسانن منٛز کران۔