ANHAAR

Department of Kashmiri

University of Kashmir

Print ISSN: 2249-510x Online ISSN: NA

موضوعس چھ ترے پاس:عصریت،حسیت تہٕ ہیت۔کٲشرِ شٲعری ہنٛز عصریت چھےٚ یہِ شٲعری نٮ۪بر حالاتو اعتبارٕ مشخص سپدان،امچ عصریت نہ چھےٚ۱۹۳۱پٮ۪ٹھٕ،نہ۱۹۶٠ پتہٕ بلکہِ ۱۹۹٠پٮ۪ٹھٕ مقرر۔زیر بحث موضوعس چھُ پتمٮ۪ن ترہن ورین ہند مزاج زٲنتھ کٲشرِ شٲعری ہند مزاج زانُن۔بعضے چھُ یہِ تہِ سپدان زِ ادبہ کین حدودن منٛز چھِ تِتھ واقعہ رونما سپدان زِ تِم چھِ ادبُک زمانہٕ مقرر کران،مگر موجودٕ کٲشر شٲعری اندر اندر اآونہٕ تیتھ کانٛہہ انقلٲبی بدلاو زِ یہِ آسہے باقی زمانو نشہِ مختلف۔

دیناناتھ نٲدم چھُ ہمعصر یا جدید شٲعری ہُند اکھ بارستہٕ ناو۔تمۍ سنز شٲعری پٮ۪ٹھ کرنہٕ برونہہ چھُ یہِ ونُن تہِ لٲزِم زِ تمۍ دژ کٲشرِ شٲعری کینٛہہ تِم شعرٕ ذٲژیِم تس برونٛہہ نابود آسہٕ۔یِمن منٛز کینٛہہ وۄپر تہٕ کینٛہہ سانٮ۪ن ارزتن ہُند نوو انہار شٲمل چھُ۔ سانٮ۪ٹ،اوپیرا،بلینک ورس یعنے نظم معرا تہٕ آزاد نظم بیترِ۔تسند حٲرثت چھِ سانٮ۪ن زٹھٮ۪ن گۄنماتن ہندٮ۪ن واکھن تہٕ شرکٮ۪ن ہنٛد نوٚو دوہراو تہٕ پٲراو تہٕ یمن پمپوش وتھرن منٛز چھے نوِ زمانچ تہٕ تازٕ باشُک متن،معنی تہٕ مفہوم شیرتھ سنبٲلِتھ ۔تمۍ چھِ کینٛہہ افسانہٕ تہِ میانہِ خیالہٕ ظٲہراہ گوڈنیُک افسانہٕ تہٕ کٲشرس ارپن کوٚرمُت تہٕ کینٛہہ نثری سرمایہِ تہِ دیُتمُت۔تسُند گوڈنیُک شعی مجموعہ یعنی ‘‘شہلہ کُلۍ’’ سپد تمۍ سنٛزِ حیٲتی منٛز پرکاشر۔

معاصر،ہمعصر یا ہمکال ونہٕ نس منز چھُ اکہِ لحاظہٕ ابہام تہِ پٲدٕ گژھآن۔مثالہٕ پٲٹھ نمون اکھ شخص یُس کُنہِ وجہ کِن لوکچے وٲنسہِ منٛز کھاندر سپدِ،تھُل مُل پھٮ۪نہٕ کِن وُچھس خدا تعالی تہِ سیٚودُے،پنٕنۍ شُری تہٕ پتہٕ تس شُرٮ۪ن ہنٛدۍ شُرۍ تہِ۔أمِس چھےٚ پننسےٕ زمانس منٛز ژور پیرِ سمان۔میٲنس لوکچارس منٛز اوس مہجور تہٕ آزاد شٲعری ہند گُل گوش تہٕ از چھِ وونۍ مےٚ ستۍ ژاٹن ہندۍ ژاٹھ تہِ مشٲعرن منٛز کلام پران تہٕ پننہِ شعرٕ سومبرنہٕ تہِ چھن شایع کرِمژٕ،روٗدسے زندے تہنٛدۍ ژاٹھ تہِ ما آسٕنۍ وُچھِن نصیبس۔وں ہے ہمعصر سپُن مشخص کرو تہٕ کتھٕ پٲٹھۍ۔

بقول جیمز فنلے چھے زبان نا معلوم زاننہٕ باپتھ اللہ دین سُند ژونگ۔بامے یہَ زبان بول چٲلی آسہِ یا ادبی۔مگر ادبی زبٲنۍ خاص کر شٲعری منٛز شٲعرس پنُن أندرِم ازٲنۍ گٹکھ لفظن منٛز ویپراونپک تہٕ توینہٕ معنی ووپداونُک اہم وسیلہٕ استعارے۔تہٕ یہِ وسیلہ چھُ بشمول کٲشرٮ۪ن شٲعرن پتہٕ وتہٕ پٮ۪ٹھٕ مختلف زبانن ہندٮ۪ن شٲعرن ہندِ دسۍ ورتاونہٕ آمُت۔استعارُک یسلہٕ ورتاو چھُ کٲشرِ ہم کال شٲعری منٛز تہِ۔مگر أکِس موخصر مضمونس منٛز منٛز پننہِ ہم کال شٲعری منٛز کہ استعارٕ ورتاوچٮ۪ن امتیٲزی خصوصیژن ہٕنٛز نشاندہی کرنۍ یودوَے نا ممکن چھُنہٕ محال چھُ ضرور۔تیکازِ کٲشرِ ہم کال شٲعری ہُند سرمایہِ چھُ وسیع تہٕ رنگا رنگ۔تہٕ یہِ چھُ نہٕ ضروری زِاتھ منٛز آسہِ یکسان پٲٹھۍ استعارٕ ورتاوٕچ کارفرمٲیی۔وون گوٚو تاہم ہٮ۪کو أسۍ پننہِ دورچہِ غٲلب شعری صنفہٕ نظمہِ متعلق کتھ کٔرِتھ ۔تہٕ خاص پٲٹھۍ تِمن نظمن ہٕنٛدِ حوالہٕ یِم ییٚتٮ۪ن موجودٕ پرتھ عٲلمن پرِ مژٕ آسن۔اَمہِ برونٛہہ چھُ ےہِ ونُن تہِ ضروری زِروایتی تنقیدس منٛز اوس استعارٕ محض النکٲری مگر استعارس متعلق اتھ تصورس چھےٚ کتہِ کور تبدیلی آمٕژ۔استعارٕچ وضاحت چھےٚ نہٕ ارسطوہس پٮ۪ٹھٕ اِمپسنس تہٕ رچٲرڈس تام صرف مشترکہٕ خصوصیت دریافت کرتھ معنی ووپداو خٲطرٕ اکہِ چیزٕ بدلہٕ دویمہِ چیزکِس ورتاوس تامےٕ محدود روزمٕژ۔بلکہِ چھےٚ اتھ منز شٲمل تصور تہٕ ترسیلی وسیلہٕ کین لفظہٕ جورٮ۪ن یا ماروٗضن ہٕنٛدِ رشتٕچ وضاحت بعضے موازنہٕ ہشر یا گٹھ جوڑکہِ حوالہٕ تہٕ بعضے قُربت،تصودُم تہٕ تحلیل بیترِ حوالہٕ کرنہٕ آمٕژ۔ امہِ حوالہٕ چھُ استعارٕ بیشتر پٲٹھۍ تجسیم کٲری یا پیکر بیترِ شعرٕ ول تہِ پانس ستی پکناوان۔بلکہِ لاکان تہٕ بارتھن استعارٕ تہٕ مجازِ مرسل معنی نُما چہِ تبدیلی ہنٛدِ حوالہٕأکۍ سےٕ گےجہِ گنڈ متۍ۔

پرتھ أکِس انسانہٕ سنٛز زندگی چھےٚ تیُتھ اکھ ربزنامہٕ یتھ منٛز سہُ اکھ فسانہٕ رقم چھُ یژھان کرُن مگر دویمےٕ حٲرثاتھاہ چھُ تحریر سپدان تہٕ ساروے کھوتہٕ نفیس ساعت چھُ سہُ ییٚمہِ وزٕ سہُ لٮ۪کھنہٕ آمتس تتھ ستی مقابلہٕ کرنٕچ کوشش کرِ ییٚمِچ تمۍ یژھ آس کٔرمٕژ۔تقوبل کرنچہِ اتھ عملہِ منٛز یہِ کینژھآ سوچس اکثر صورژں منٛز باگہِ ےوان چھُ تتھ ہرگاہ ناو کرو تہِ چھُ صرف تہٕ صرف ‘‘راون تیول’’۔اتھۍ راون تیٚلِس ہرگاہ باوژ ہنٛز کانٛہہ سبیل بنہِ تیٚلہِ چھُ سہُ پورٕ انسٲنی زندگی ہنٛدِ المیُک سہُ اکھ ٲیینہٕ بنان یتھ منٛز پرتھ حٮ۪سہٕ آگاہ انسان پنٕنۍ دگ تہٕ تیٚول وُچھان تہٕ محسوس چھُ کران۔

عبدالاحد آزادٕن ‘‘دریاو’’ نظم چھےٚ تہنٛز بہترین نظم شمار سپدان یہِ چھُ سارنی ہُنٛد دعوا مگر پریم ناتھ بزازس ورٲے ییٚمۍ تہِ آزادٕنۍ شٲعری پٮ۪ٹھ کتھ کرِتھ یہِ دعوا کوٚر تمۍ چھِنہٕ دلیل دژمژ کینٛہہ۔پدم ناتھ گنجو ونان ‘‘یہِ وہ لافانی اور لاثانی نظم ہے جسکی نسبت کہا جا سکتا ہے کہ آزاد نے ‘‘دریاو’’ لکھ کر اگر اور کچھ بھی نہیں لکھا ہوتا تو فقط یہِ نظم آزاد کا نام زندہ و جاوید رکھنے کے لۓ کافی تھی’’۔ناجی منور تہٕ شفیع شوق چھ ‘‘ کاشرِ ادبُک تواریخ’’ کتابہِ منٛز لیکھان ‘‘آزادن لیچھِ ساریے نظمہٕ اقبالنس لہجس منٛز۔آزادنہِ شٲعری پٮ۪ٹھ یوتاہ اثر اقبالنہِ شٲعری ہُند چھُ تےوتاہ چھُ خالےٕ کٲنٛسہِ شٲعرٕ سند بیٚیِس شٲعرس پٮ۪ٹھ ۔تٔمۍ سٕنٛز ساریے نظمہٕ خاصکٔرِتھ ‘‘شکوہ ابلیس’’،‘‘انقلاب’’،‘‘سرمایہِ دٲری’’،‘‘شکوۂ کشمیر’’،‘‘دریاو بیترِ’’ نظمہٕ چھےٚ کٲشرِ شٲعری منٛز اقبالنہِ شٲعری ہنٛز پوٚت آواز۔شمیم احمد شمیم چھُ لیکھان،‘‘ آزاد پر لکھتے ہوے مجھے پہلی بار اپنی کوتاہ قلبی اور کم مایگی کا احساس ہورہا ہے۔اس کے شعور کی بلندی اور اس کے ذہن کے وسعت کو الفاظ کی گرفت میں لانا میرے بس کی بات نہیں ہے۔’’ مگر فقط چھُ ‘‘ شکوہ ابلیس’’ نظمہِ ہند تذکرہ کران۔

‘تہنٛدِ اجازتہٕ واتناوو بہ تُہۍ کینژن منٹن خٲطرٕ أکِس تژھِ جایہ یوسہٕ گردِ تہٕ زلرۍ زٲج ستی ولتھ چھےٚ،تتھ جایہِ ییٚتہِ وقتن سورُے جمع کرتھ پوٚد تراونس تہِ وتھ چھَنہٕ تھاومژ۔تصور کرو سو جاے،سہُ مقام ییٚتہِ شہہ ہیٚون تام مشکل چھُ ۔یُتھے اکھ عالم یُتھےٕ اکھ منظر چھُ نٲدم صٲبن ‘‘زلرۍ زٲج’’ ناوچہِ نظمہِ منٛز ورتوومُت۔نظم پرِتھ چھِ کینٛہہ سوال فوری طور ووتلان تِمو منٛزٕ چھُ اکھ اہم سوال ےہِ زِ نٲدِم اوس ترقی پسند تمہِ وقتہٕ خ،س مروج سیٲسی قٲرس مُخٲلف۔سےُ نٲدِم ییٚلہِ سمٲجی کیو طبقٲتی مسلو نشہِ دوٗر أکِس تتھِس خیالس،أکِس تتھِس سوچس لفظن منٛز والان چھُ یُس ازیُک باسان چھُ ۔تتھُے تازٕ تتھُے سٲدروار پزر چھُ ےہِ زِ یتھ شعرٕ تجربس نہٕ وق بڈراوِ سےُ چھُ حقیقی تجربہٕ آسان۔

ہمکال کٲشرِ شٲعری ہنٛدس کۭنہِ تہِ انہارس یا پہلوس پٮ۪ٹھ قلم تُلنہٕ وزِ چھُ لامحالہٕ تخلیقی ادبہٕ چہِ کالہٕ باگیہِ ہند نوکتہٕ بُتھِ یوان۔یہِ پرچہِ لیکھنُک دس تُلنہٕ وزِ تہِ چھےٚ گوڈٕ یتھ کتھٕ وضاحت کرٕنی وٲجب بنان زِ سٲنِس تنقیدی ڈسکورسس منٛز چھُ یٔژ پٲٹھۍ کٲشر ہمکال شٲعری گوڈٕ مہجور تہٕ آزادس نش ہٮ۪نہٕ یوان تہٕ یتھٕ کٔنی چھُ یہِ الہٕ پلہٕ ہتہٕ وریُک پلہٕ بنان۔کٲنسہِ تہِ سکالر سٕنٛدِ باپتھ أکِس مضمونس منٛز کُنہِ تہِ گاچہِ ےُتھ پلہٕ کرُن چھُنہٕ مشکلےٕ یوت بلکہِ لگ بگ ناممکن۔تہٕ وونۍ ییٚلہِ یہِ کوشش کرن وول کانٛہہ بوٚڈ سکالر نہ ٲسِتھ مےٚ ہیوٗ اکھ شٲعری ہند طالب علمےٕ آسہِ تیٚلہِ چھُ یہِ زیادَے پہم کریوٗٹھ۔اَتھ کریچھرس تہٕ زیچھرس منٛز سہولت باپتھ کرو ےتھ مضمونس منٛز وہمہِ صدی ہٕنٛدِ سٔتۍ مہِ دٔہلہِ ےور کُن تخلیق سپزمژ کٲشرِ شٲعری ہندِ حوالے کتھ تہٕ یہے مانون فی الحال حد۔

ہمکال کٲشرِ شٲعری ہنٛدس کۭنہِ تہِ انہارس یا پہلوس پٮ۪ٹھ قلم تُلنہٕ وزِ چھُ لامحالہٕ تخلیقی ادبہٕ چہِ کالہٕ باگیہِ ہند نوکتہٕ بُتھِ یوان۔یہِ پرچہِ لیکھنُک دس تُلنہٕ وزِ تہِ چھےٚ گوڈٕ یتھ کتھٕ وضاحت کرٕنی وٲجب بنان زِ سٲنِس تنقیدی ڈسکورسس منٛز چھُ یٔژ پٲٹھۍ کٲشر ہمکال شٲعری گوڈٕ مہجور تہٕ آزادس نش ہٮ۪نہٕ یوان تہٕ یتھٕ کٔنی چھُ یہِ الہٕ پلہٕ ہتہٕ وریُک پلہٕ بنان۔کٲنسہِ تہِ سکالر سٕنٛدِ باپتھ أکِس مضمونس منٛز کُنہِ تہِ گاچہِ ےُتھ پلہٕ کرُن چھُنہٕ مشکلےٕ یوت بلکہِ لگ بگ ناممکن۔تہٕ وونۍ ییٚلہِ یہِ کوشش کرن وول کانٛہہ بوٚڈ سکالر نہ ٲسِتھ مےٚ ہیوٗ اکھ شٲعری ہند طالب علمےٕ آسہِ تیٚلہِ چھُ یہِ زیادَے پہم کریوٗٹھ۔اَتھ کریچھرس تہٕ زیچھرس منٛز سہولت باپتھ کرو ےتھ مضمونس منٛز وہمہِ صدی ہٕنٛدِ سٔتۍ مہِ دٔہلہِ ےور کُن تخلیق سپزمژ کٲشرِ شٲعری ہندِ حوالے کتھ تہٕ یہے مانون فی الحال حد۔

غزل ٲسۍ تن یا نظم راہی سنٛز باوتھ چھےٚ دونوٕنۍ صنفن تہٕ ہیژن منٛز منظم تہٕ مربوط او کِن چھنہٕ اتہِ تفصیلاتن ہنٛدِ خٲطرٕ کانٛہہ گنجٲیش۔مےٚ چھُ امہِ کتھِ ہند احساس تِمن دوہن سپدمُت ییٚلہِ بہٕ ےاون گریکہِ منٛز راہی سندِ کلامہٕ کِس شہلس تل زندگی ہنٛز کتاب پران اوسُس۔

وہمہِ صدی منٛز آیہِ درٛس دنیہس منٛز ترقی پسند تہٕ جدید رجحان بارسس۔یمن رجحانن ہنٛدِس فکری پسِ منظرس منٛز آیہِ ریوایتی سونچن ترایو بدلہٕ کینٛہہ نوِ سونچن ترایہِ برونٛہہ کُن یۄسہٕ وقتٕچ ضرورت تہِ ٲس۔یمن رجحانن ہٕنٛز بنیاد ٲسۍ تِم نظریہِ یا فلسفہٕ یِم انسٲنی وجودس،سماجس،نفسیاتس تہٕ معاشیاتس بیترِ متعلق دِنہٕ آے۔

ما بعد جدیدیتُک یُس بحث عالمی ادبکٮ۪ن کینژھن رسالن،کتابن تہٕ جریدن منٛز تا حال سپد تمہِ ستۍ بدلییہِ شٲعر تہٕ ادبی تنقیدس متعلق سٲنۍ عقیدٕ۔یہِ بحث چھُ چھرا فلسفیانہٕ تہٕ وُنیکتام سپدۍ اتھ بحثس منٛز بیشتر ادبی نقاد سو دِلہٕ شریک تہٕ مابعد جدیدیتکِس فلسفیانہٕ موفقس تحت کرکھ ادبٕچ تہٕ شٲعری ہنٛز قدر سنجی۔ما بعد جدیدیت چھُنہٕ کانٛہہ گٔنڈتھ ژوپرِتھ فکری پروجیکٹ بلکہِ چھُ یہِ فکرن ہُند وِشال سوٚدر یتھ وجودیت،پس ساختیات،مظہریت،نٔو تاریخیت تہٕ لاتشکیل ہوۍ فسفکۍ شعبہٕ وحاطہٕ کرتھ چھِ ۔سون موضوع چھُ فقط لاتشکیل تہٕ أتھۍ تناظرس منٛز ییہِ شفیع شوقنہِ أکِس معروف نظمہِ ہٕنٛز پرنَے کرنہٕ۔

کٲشرِ زبانہِ ہندی ادیب تہٕ شٲعر روٗدی وقتہٕ وقتہٕ مختلف ادبی تراین گراین،تحریکن تہٕ نہجن ستی وابستہٕ۔وہمہِ صدی ہندِس ژوٗرِمس دہلس منٛز تہٕ تمہِ ووٹ اکثر کٲشرٮ۪و شٲعرو تہٕ ادیبو پنُن پان ترقی پسند تحریکہِ ستی۔امہِ تحریکہِ ہند طمطراق یوہے پانژونزاہس تام روٗد مگر تحریک ژھۄکییہِ۱۹۴۷پتے۔لہذا روٗدۍ نہٕ ییٚتِکۍ ادیب تہٕ شٲعر اکسےٕ نظریٲتی ٹکلِس گنڈِتھ ۔

ساختیات چھُ بنیٲدی طور فرڈی ننڈ سوسیر سندۍ تِم لٮ۪کچر یِم تمۍ ۱۹٠۲ عیسوی پٮ۪ٹھٕ ۱۹۱۱ عیسویس تام جینوا یونےورسٹی منٛز دتی تہٕ یِمے لٮ۪کچر کرۍ أمۍ سندٮ۪و طٲلب علمو أمۍ سٕنٛدِ مرنہٕ پتہٕ دویہِ وہرۍ ۱۹۱۲ عیسویس کتابہ ہندس صوٗرتس منٛز شایع تہٕ ناو تھووہس کورس دی لنگوِسٹیک جنریل۔

وجودیت چھ جدید فلسفک اکھ انگ ییٚمیُک خمیر زوال کِس عہدس منٛز تیار سپد۔تاہم چھِ امکۍ بیٲلی پھلۍ پاسکل تہٕ سٮ۪نٹ آگسٹاینس نشہِ میلان۔ستی چھُ امیُک سلسہٕ نسب دویمٮ۪ن تمام فلسفیانہٕ نظریہن تہٕ نہجن ہندۍ پٲٹھۍ سقراطس ستی رلان۔وں گوٚو کینٛہہ دٲنشور تہٕ مفکر چھِ ۷٠٠قبل مسیح روزن وٲلِس أکِس چینی مفکر لاوزیس فلسفہٕ وجودیتُک گوڈنیُک علمبردار مانان ییٚمۍ تاو یا نیچر فطرت اصطلاح وٮ۪ژھناونس دوران امہِ نقطۂ نظریہُک اظہار کوٚرمُت اوس

لفظ نسٲییت چھٕ اکھ اصطلاح یُس لاطینی لفظ فیمنا منٛز درامُت چھُ ۔ فیمنا لفظُک بنیٲدی مفہوم چھُ نسوٲنی خصوصیت آسنہِ۔ مگر نسٲییت تہٕ نسوٲنیت چھِ زٕ الگ الگ اصطلاح۔یوٚتام زن نسوٲییتُک تعلق چھُ یہِ چھِ نسٲییت نشِ بلکُل الگ۔ییٚمیُک مطلب گوٚو زنانن ہند سہُ حٮ۪س تہٕ احساس یُس زن منٛز چھُنہٕ آسان کینٛہہ۔مردن منٛز تہِ ہیٚکہِ زنانہٕ پن ٲسِتھ مگر زنانن ہند احساس نہٕ کینٛہہ۔زنانن منٛز چھِ کینٛہہ منفرد خصوصیت یِم تِمن مردن نش الگ چھِ کران۔

شیکسپیر چھُ عالمی پایُک ڈراما نگار تہٕ شٲعر ییٚمۍ سُند عالمی ادبس سٮ۪ٹھاہ دیت چھُ ۔تٔمۍ سندۍ لازوال تہٕ لافٲنی ڈراما تہٕ شٲعری چھےٚ از تہِ تتھے پٲٹھۍ لگہار یتھٕ پٲٹھۍ تمۍ سندِس زمانس منٛز ٲسۍ۔تٔمۍ چھِ۳۷ ڈراما تہٕ ۱۵۴ سانٮ۪ٹ تخلیق کرمتۍ یمن دوٗر رس نتٲیج دراے۔یمن منٛز ٹریجڈی،کامڈی خاص طور قابلِ زکر چھِ ۔تہندۍ سٲری ڈراما ہیٚکۍ نہ سٹیج سپدِتھ۔البتہٕ تٔمۍ سندۍ مرنہٕ پتہٕ آے واریاہ ڈراما گندنہٕ تہٕ سٹیج تہِ کرنہٕ آے۔